Чаллы юлында бурычлы алабугалыларны "Юл приставы" аулый
Бурычларны юллап алу әмәле табылган, ниһаять. Суд приставларына хәзер техника ярдәм итәчәк. Узган атнада Чаллыда "Дорожный пристав" автомат программа комплексы эшли башлады. Мәгълүмат базасында якын-тирә шәһәрләрдә, шул исәптән Алабугада яшәүче бурычлылар исемлеге тупланган.
ГЭС плотинасы янындагы ДПС постында телекамералар урнаштырылган. Салым инспекциясе һәм ЮХИДИнең мәгълүмат базасы ярдәмендә алар бурычлы затларны машина номеры буенча ачыклыйлар. Шуннан соң система сигнал бирә һәм бурычлы кеше турында мәгълүматны монитор экранына чыгара. Алга таба ЮХИДИ хезмәткәрләре машинаны туктата, ә суд приставлары бурычны түләттерү буенча эш башлый.
Бурычлыга бары ике юл тәкъдим ителә - бурычын ул шунда ук акчалата яки милекләтә түли (автомагнитола, запас тәгәрмәч, навигатор, видеорегистратор яки антирадар белән). Әгәр бурыч бик күп җыелган икән, автомобильдән дә колак кагарга туры килүе бар.
Аппарат эшләгән ике көндә генә дә бурычлары булган 80 алабугалының машинасы туктатылды, дип сөйләделәр безгә суд приставларының Алабуга районы бүлегендә. Биш машинага арест салынган, шулай булса да бурычлылар әлегә үз машиналарында йөреп тора. Тик бу кешеләр әлегә кадәр бурычларын түләмәгәннәр, шуңа күрә тиздән алар машинасыз да калырга мөмкин. Суд приставлары бу машиналарны сатуга кую өчен документларны әзерләгән инде. Якынча исәпләүләр буенча, машиналарның бәясе якынча 2 миллион 200 мең сум тәшкил итә. Бер бурычлының антирадары алынган. Бурычлы алабугалыларның бер өлеше әҗәтләрен урында ук түләгән. Алар тулаем алганда 100 мең сумлык бурычны кире кайтарган. 21 кеше суд приставлары янына барып, бурычларын түләгәнлекләрен раслап, квитанцияләрен күрсәтергә тиеш.
Чаллы постына куелган "Юл приставы" аппараты бурычлы алабугалылар буенча яхшы нәтиҗәләр күрсәткән. Күпчелек алабугалы Чаллыга эшкә йөри, кибетләргә бара, ә бердәнбер юл нәкъ менә шушы пост аша уза. Хәер, аппарат эшли башлаганчы ук приставлар аның нәтиҗәсен тоярга җитешкән.
- Берничә канал буенча "Дорожный пристав" турында сюжет күрсәтелү белән үк кайбер бурычлылар әҗәтләрен түләргә ашыкты. Беркемнең дә юлда милкеннән яки машинасыннан колак кагасы килми бит, - дип сөйләде безгә суд приставларының Алабуга районы бүлеге җитәкчесе Илдар Җәләлов.
Ринат ӘМИРХАНОВ
-
19 апрель 2018 - 16:42Казанда FIFA төп билет сату үзәге ачылды Бу үзәктә апрель ахырына кадәр FIFA сайтында сатылган билетларны алырга була.
-
18 апрель 2018 - 14:27Футбол буенча дөнья чемпионаты матчларына билет сатуның йомгаклау этабы башлана Чемпионатны оештыручылар җанатарларга билет сатып алуны сузмаска киңәш итә.
-
18 апрель 2018 - 10:43Һәр сүзе ялкынлы Март ахырында Яр Чаллыда иҗат кешеләре танылган татар шагыйрәсе, Татарстанның атказанган мәдәният эшлеклесе, Габдулла Тукай исемендәге дәүләт бүләге иясе Клара Булатова белән очрашты. Алабугадан бу кичәдә катнашкан Кадрия Наил кичерешләрен шигъри юлларга салган.
-
18 апрель 2018 - 10:38Безнекеләр икенче урында Үткән ялларда Алабугада Космонавтлар көненә багышланган Бөтенсоюз хоккей турниры булды.
-
18 апрель 2018 - 10:33Алкогольле продукцияне теркәү Бердәм дәүләт автоматлаштырылган мәгълүмәт системасында теркәлмәгән алкоголь продукциясенең әйләнеше “Этил спирты, алкогольле һәм спиртлы продукция җитештерүен һәм әйләнешен җайга салу һәм һәм алкогольле продукциякуллану (эчү) күләмен чикләү турында” Федераль Закон белән тыелган.
-
18 апрель 2018 - 08:19Казанда узачак футбол буенча дөнья чемпионаты матчларына 2 миллионнан артык билет сатылган ЧМ-2018 матчларына билетларның яртысыннан артыгын чит ил җанатарлары алган.
-
17 апрель 2018 - 14:59Башта челтәрләр, аннары – мунча Үткән атна ахырында Алабугада мунча комплексын төзү проекты буенча фикер алыштылар. Бу уңайдан узган эшлекле киңәшмәдә район башлыгы Геннадий Емельянов, проект инвесторы Юрий Бычков, шулай ук шәһәр предприятиеләренең җитәкчеләре катнашты.
-
17 апрель 2018 - 14:55“Җиңү язы” Алабугада Безнең шәһәрдә “Җиңү язы” хор музыкасының III төбәк фестивале үтте.
