Героин белән тотылдылар
9 гыйнварда Алабугада эре партия героин сатарга омтылган 42 яшьлек ир-ат тотылды. Таҗикстан гражданы һәм аның кулдашы бер килограммнан артык катнашмасыз чиста героин сатмакчы булганнар.
Гадәти героинны сату өчен әзерләгәндә гадәттә аңа төрле катнашмалар кушалар, ә менә наркоконтроль кулына төшкән кадәреннән наркоманнар куллана торган 10 килограмм героин әзерләргә мөмкин икән. Бу якынча 20 мең доза дигән сүз.
Наркополиция вәкилләре әлеге җинаятьчеләрне ярты ел күзәтеп йөргән, ә менә кулларыннан тоту өчен, бераз сабыр итәргә туры килгән.
Тоткарланган ир-атлар наркотик матдәләр саклау һәм сату статьясы буенча гаепләнде һәм аларга 20 елга ирекләреннән мәхрүм ителү куркынычы яный.
В.Винер
Следите за самым важным и интересным в Telegram-каналеТатмедиа
Оставляйте реакции
Нет комментариев