Алабуга нуры

02 хәбәр итә

Узган атнада Алабуга эчке эшләр бүлегенә төрле тәртип бозулар турында 173 хәбәр алынган. Биш мошенниклык очрагы теркәлгән. Оренбург өлкәсеннән Алабугага килгән 22 яшьлек кыз шәһәр мәдәният сарае каршында чегәнгә охшаган бер хатынны очрата. Тегесе: "Сине бик нык бозганнар күпме акчаң бар, шул кадәрен миңа бир дә, синдәге бозымны чыгарам. Бозымың...

Узган атнада Алабуга эчке эшләр бүлегенә төрле тәртип бозулар турында 173 хәбәр алынган. Биш мошенниклык очрагы теркәлгән.

Оренбург өлкәсеннән Алабугага килгән 22 яшьлек кыз шәһәр мәдәният сарае каршында чегәнгә охшаган бер хатынны очрата. Тегесе: "Сине бик нык бозганнар күпме акчаң бар, шул кадәрен миңа бир дә, синдәге бозымны чыгарам. Бозымың беткәч, акчаңны кире кайтарырмын",- ди. Кыз чегәнгә алданып 18 мең сум акчасын бирә һәм икенче көнне килешенгән урында күпме генә көтсә дә, чегән хатыны кабат күренми. Ярык тагарак алдында калганын аңлаган кыз полиция хезмәткәрләренә хәбәр итә. Бүгенге көндә әлеге хатынны эзләү эше бара.

26 сентябрьдә иртәнге сәгать дүрттә, баласы армиядә хезмәт итүче ананы өй телефоны шалтырап уята. Телефондагы ир кеше тавышы үзен тикшерүче Лебедев дип таныштыра. "Сезнең улыгыз исерек прапорщикны өенә кайтарганда ике кешене машина белән бәрде. Аларның берсе шунда ук үлде. Әлеге эшне җайлау өчен сез тиз арада 200 мең сум акча күчерегә тиеш",-ди. Йокылы-уяулы ана югалып калмый, улының нинди частьта хезмәт итүен сорый, элемтәнең теге очында дөрес җавапны ишеткәч, улының туган көнен әйтергә куша. Тынлык урнаша бераздан тикшерүче Лебедев дөрес булмаган көнне атый. Ананың күңеленә шик төшә һәм ул полиция хезмәткәрләренә хәбәр итә. Әлеге шалтырату буенча да тикшерү эше бара. Полиция хезмәткәрләре соңгы вакытта мошенниклык юлы белән җиңел генә акча эшләүчеләрнең саны артуын искәртә һәм халыкның игътибарлы булуын сорый.

Узган атнада 22 юл һәлакәте булган, анда 7 кеше төрле дәрәҗәдә зыян күргән, бер кешенең гомере өзелгән. 19 сентябрьдә иртәнге сәгать 6да Алабуга-Армалы юлында 47 яшьлек машина йөртүче кюветка килеп бәрелә һәм шунда ук җан бирә. 12 машина йөртүче руль артына исерек килеш утырган өчен, ә 965 шофер тизлекне арттырган өчен җавап бирәчәк.

Л.Зиннәтова

Нравится
Поделиться:
Реклама
Комментарии (0)
Осталось символов: