Татарстанда «Иминлек каешы» операциясе башланды

11 июльдән 10 августка кадәр Татарстан Республикасында «Иминлек каешы» профилактик операциясе узачак. Дәүләт автоинспекторлары көчәйтелгән рейдлар үткәреп, закон бозучыларны ачыклаячак. Алабуга районында ачыкланган хокук бозулар турында без өстәмә рәвештә язачакбыз. 

Куркынычсызлык каешы үлем куркынычын һәм машина йөртүче һәм пассажир организмының җитди җәрәхәтләнүен 70 %ка киметә.

Алабуганың ЮХИДИ бүлеге юл хәрәкәте кагыйдәләрен тайпылышсыз үтәү кирәклеген искәртә һәм юл хәрәкәтендә катнашучыларны игътибарлы һәм сак булырга чакыра.