Актив тормыш

Олы Шүрнәк авылында җәй белән саубуллашу дискотекасы үтте. Бу чараны активистка Анжела Крутикова оештырды. Бәйрәмдә конкурслар, уеннар оештырылган иде.

Дөм-Дөм авылында узган студентлар кичәсен ТР Аграр яшьләр берләшмәсенең җирле бүлеге оештырды. Кичәгә Алабуга шәһәр студентлар клубы активистлары, Морт, Юраш, Олы Елово, Яковлево, Шүрнәк, Куклюк һәм Черкас авылы яшьләре килде. Алар танышу һәм бердәмләшүгә юнәлдерелгән бәйгеләрдә катнашты. Дискотекадан соң чәй табыны оештырылды һәм салют булды.