Алабуга акыллы шәһәрләр бишлегенә керде

«Сколково» фондының энергоэффектив технологияләр кластерының «Шәһәр технологияләре» юнәлеше буенча проектлар җитәкчесе эксперт Юрий Хаханов, Россиянең акыллы шәһәрләре рейтингын тәкъдим итте.

Рейтингның беренче бишлегенә Татарстанның берьюлы ике шәһәре — Казан һәм Алабуга керде.

Аның фикеренчә, Мәскәү — акыллы шәһәрләр юнәлешендә, берсүзсез, лидер.

«Мәскәүдән соң төрле рейтингларда, гадәттә, Санкт-Петербург һәм Казан килә. Әмма аерым дәрәҗәдә региональ шәһәрләр, аерым алганда, Чиләбе өлкәсенең Сатка һәм Татарстандагы Алабуга шәһәре аерылып тора», — дип шәрехләде Хаханов.