Алабуга Бала тудыру йортында 43 алабугалы тавыш бирде

Бу участок ябык, вакытлыча тавыш бирү көненә генә ачылган. Стационарда дәвалау үтүче кешеләр монда Россия Президенты өчен үз тавышларын бирәләр. Төп исемлектә 158 тавыш бирүче кеше, әмма, хастаханәгә соңрак эләгүчеләр өстәмә исемлек буеча тавыш бирә ала. Күчмә тартмалар белән сайлау комиссиясе әгъзалары участокка мәстәкыйль килеп сайлый алмаучылыр янына баралар.  Шулай итеп генекология бүлегендә ятучы һәм бала табучылар  бала тудыру йортында сайлауларда катнашты. Тора алмаучылар арасында да сайлаулар шулай үтте.

1408 сайлау участогы рәисе Ольга Әхмәдуллина әйтүенчә, мондый пациентларга аерым кабинка биреп булмый, шуңа кандидат сайлау вакытында янында бер кеше дә булмый.

Күчмә тартмага төшүче сайлау бюллетеньнары, урын буенча тавыш бирү гаризасы язганнан соң, хастаханәдә дәваланган саулаучыларга бирелә.

− Мин лаек дип санаган кандидатка тавышымны бирдем.  Иң мөһиме – тынычлык бусын, Аллага шөкер, пенсия алабыз, хәтта, балаларга булышабыз. Мин гел тавыш бирәм, быел хастаханәгә эләктем, монда шундый мөмкинлек бирүләре бик яхшы, - диде хастаханәдә дәваланучы Фирая Солтангәрәева.

Сайлау участогына үзләре килгән дәваланучыларга значоклар һәм открыткалар бирелде.