Алабуга хакимияте шәһәрне ябу турындагы мәгълүматны кире какты

Алабуга хакимияте шәһәрне ябу турындагы мәгълүматны кире какты. Шул ук вакытта алабугалыларның мессенджерларында шәһәрне ябу турында мәгълүмат тарала — янәсе, контроль-үткәрү режимын яңарту турында телефонограмма килгән. «Бу — чынбарлыкка туры килми торган ялган мәгълүмат. Моңа рәсми рәвештә раслау юк, без мондый телефонограмма алмадык», — дип хәбәр иттеләр Алабуга районы башлыгының матбугат хезмәтендә. Алар ялган мәгълүмат тараткан өчен административ җаваплылык каралуын искәртте.