Алабуга педагоглары «Ел укытучысы-2020» конкурсында җиңү яулады

Татарстан башкаласында «Татар теле укытучысы-2020» һәм «Ел укытучысы-2020» Бөтенроссия конкурсларының төбәк этабы узды.
Алабуга районы педагоглары җиңүчеләр булды. Артем Ким 2нче урынны алды. Ул 10нчы урта мәктәптә тормыш иминлеге нигезләре укытучысы булып эшли. Лауреат исеменә «1нче гимназия-Милли белем бирү үзәге»нең туган тел һәм әдәбият укытучысы Зимфия Илдарханова лаек булды.