Алабуга сувениры Бөтенроссия конкурсында җиңү яулады

Алабуга дәүләт музей-тыюлыгы «Туристлык сувениры» Бөтенроссия конкурсында җиңү яулады, аның финалы бүген Пермьдә узды.

Батик техникасы белән кулдан ясалган сувенир яулыкларга жюри тарафыннан югары бәя бирелде һәм «VIP категорияле музей сувениры» номинациясендә беренче урынга лаек булды.

Бу эксклюзив яулыклар Алабугада «Сәнгать салоны» — «Художественный салон» музей кибетендә тәкъдим ителгән.