Алабуга ЮХИДИ бүлеге гражданнарны кабул итү шартларын үзгәртте
Татарстан Республикасы буенча Эчке эшләр министрлыгының Дәүләт автоинспекциясе бүлекчәләрендә гражданнарны һәм хезмәткәрләрне коронавирус инфекциясе таралудан саклауга юнәлдерелгән өстәмә чаралар күрелгән.
Коронавирус инфекциясе таралуны кисәтү өчен, автомобильне теркәү, имтихан үткәрү, шулай ук машина йөртү таныклыгын бирү яки алыштыру хезмәтләре бары тик дәүләт хезмәтләре порталы аша алдан язылып кую буенча гына гамәлгә ашырылачак. Бу хакта “Татар-информ” мәгълүмат агентлыгы хәбәр итә.
Административ хокук бозулар һәм юл-транспорт һәлакәтләре турындагы эшләр ЮХИДИ кабул итү бүлекчәләрендә алдан билгеләнгән вакытта узачак.
ЮХИДИ хезмәткәрләре билгеләп үткәнчә, Казанда һәм Чаллыда юл-транспорт һәлакәтләрен теркәү үзәкләре гадәти режимда эшләячәк.
Следите за самым важным и интересным в Telegram-каналеТатмедиа
Нет комментариев