Алабугада Алабуга һәм алабугалылар турында китап тәкъдим ителде

Бу биографик белешмәлектә Алабуга ягы тарихы белән бәйле 259 тарихи шәхеснең тормыш юлы урын алган .

Китапны бастыру «Татнефть» җәмгыятенең музей-тыюлыкка фәнни-методик ярдәм күрсәтү гранты ярдәмендә мөмкин булды. Китапның авторы — шәһәрнең тарих музее мөдире Екатерина Кашапова.

Җыентык музей-тыюлык фондларында сакланучы һәм Россиянең төрле шәһәрләреннән архивлар тарафыннан бирелгән материаллар нигезендә, шулай ук вакытлы һәм китап басмаларында фәнни һәм туган якны өйрәнү публикацияләре нигезендә төзелде. Беренче тапкыр бер тышлык астында мәгълүматлар тупланган, аларның шактый өлеше элек беркайда да басылып чыкмаган.