Алабугада исерек хәлдә машина йөртүчеләр тоткарланды

Алабугада узган көннәрдә исерек килеш транспорт чарасы белән идарә итүнең берничә очрагы ачыкланган.
Шулай итеп, 3 июньдә сәгать 22.00дә Октябрь урамында дәүләт автоинспекторлары Дэу Нексия автомобиле руле артында утырган исерек хәлдә 29 яшьлек ир-атны тоткарлаган.

Ә кичә иртән Алабуга-Армалы юлының 5 чакрымында тагын бер исерек шоферны туктатканнар. 45 яшьлек ир-ат Лада Гранта автомобиле белән идарә иткән. Сүз уңаеннан, ул исерек килеш руль артына утырган өчен инде икенче тапкыр тоткарланган.