Алабугада кичә 1 кеше коронавирус йоктырган 

Яңа вирус йоктырган 31 кеше хастаханәгә озатылган, 104 кеше өйдә дәвалана.

Казанда — 69, Чаллыда — 25, Аксубай, Түбән Кама һәм Нурлатта −5, Югары Ослан һәм Зәйдә — 3шәр, Азнакай, Яшел Үзән, Минзәлә һәм Ютазыда — икешәр, Актаныш, Алексеевск, Баулы, Бөгелмә, Биектау, Алабуга, Лаеш, Лениногорск, Питрәч, Балык Бистәсе, Спас, Чистай районнарында берешәр кеше йоктырган.

22 октябрьгә алынган мәгълүматлар буенча, Татарстанда барлыгы COVID-19 белән авыруның 29 239 очрагы теркәлгән.

Пандемия башланганнан бирле коронавирус инфекциясе йоктырган 24 478 кеше савыккан. Узган тәүлектә — 80 кеше.

Барлыгы 1 367 881 кешегә прививка ясалган. Шулардан 1 000 787 кеше прививканың икенче дозасын ясаткан. 

Фото: pixabay.com