Алабугада коронавирус белән ир-атларга караганда хатын-кызлар ешрак авырган

Пандемия башланганнан бирле Алабуга районында Covid-19 йоктырган 172 кеше ачыкланган. Коронавирусны профилактикалау буенча штаб мәгълүматларына караганда, авырулар арасында хатын-кызлар ир-атларга караганда күбрәк: 95 хатын-кыз һәм 77 ир-ат. 

Коронавирус инфекциясенә 13 897 проба ясалган.

Хәзерге вакытта коронавирус госпиталендә 17 кеше дәвалана. Авыручыларның артуы эссе һава шартларында гражданнарның санитар-профилактика чараларын үтәмәве белән бәйле, — дип хәбәр иттеләр Роспотребнадзор идарәсендә.