Алабугада төп чыршыны ачтылар

Бәйрәмгә шәһәр халкы, мәктәп укучылары, мәгариф хезмәткәрләре, өлкән буын вәкилләре килгән иде. Бәйрәм чаралары башлану белән кунакларны район башлыгы исеменнән аның урынбасары Олег Колпаков котлады.

— Балалар бу чирекне «5» билгесенә генә төгәлләсеннәр, чирләмәсеннәр, ә ата-аналар бу бәйрәмнәрдә мөмкин кадәр яхшырак ял итсен. Сезгә яңа елда иң изге теләкләр-сәламәтлек, уңышлар, озын гомер, якыннарыгызга бәхет телим, — диде ул.

Бәйрәм Кыш бабайлар парады белән дәвам итте. Кышкы тылсымчылар кунакларны сәламләделәр, ә аннан соң балалар белән кышкы уеннарга киттеләр.

Муниципаль конкурсларга да йомгак ясалды. Миша Грахов (26нчы балалар бакчасында тәрбияләнүче) 2021 елгы «Кыш Бабай» исеменә лаек булды, ә «Кар бөртеге гүзәле» исеменә Ева Кузьмина (26нчы балалар бакчасында тәрбияләнүче) лаек булды.