Алабугада Тынычлык проспектында исерек шоферны тоткарлаганнар

Дүшәмбе көнне Алабугада Тынычлык проспектында исерек шоферны тоткарлаганнар. Хәзер аңа машина йөртү таныклыгыннан мәхрүм ителү һәм зур штраф яный. «РЕНО» автомобиле руле артында булган 43 яшьлек ир Тынычлык проспектындагы 24нче йорт ишегалдында тоткарлана. Машина йөртүче медицина тикшерүе узудан баш тарткан, дип хәбәр иттеләр җирле ЮХИДИ бүлегендә. Аңа карата административ беркетмә төзелгән.
Хокук бозучыга машина йөртү таныклыгыннан мәхрүм ителү һәм штраф яный.

Фото архивтан алынды