Алабугалылар 1000 сумлык сертификат ота ала

«Алабуга нуры» Халыкара балаларны яклау көненә багышланган рәсем конкурсы игълан итә.

Без сезгә «Минем Алабугамда җәй» темасына рәсемнәр төшерергә — дөньяның иң матур шәһәрендә елның иң матур вакытын сурәтләргә тәкъдим итәбез. Иң кызыгы шунда, бу гади рәсем генә түгел, ә район газетасының исеме һәм барлык мәгълүматлар (газетаның исеме, атна көне, чыгу датасы һәм башкалар) язылган тышлык булырга тиеш. Ә бәлки, сез әле яңалыклар да язарсыз? Без каршы түгел! Иң мөһиме — сезнең фантазия.

Җиңүче берәү булачак. Аны редакция хезмәткәрләреннән торган жюри билгеләячәк. Приз — «Уенчык» кибетенә 1000 сумлык сертификат. Ә төп приз — сезнең рәсем 5 июньдә чыгачак «Алабуга нуры» санының тышлыгы булачак! Мондый хәлнең булганы юк иде әле. Нәкъ менә сезнең рәсем тарихка керергә мөмкин!

Эшләр 2 июньгә кадәр кабул ителә.

Аларны электрон рәвештә җибәрегез: new-kama@bk.ru яки редакциягә — Төзүчеләр урамы, 16а адресы буенча китерегез (битлек һәм перчатка кияргә онытмагыз).

Белешмә өчен телефон: 3-81-11.

Реклама