Алабугалыларны Яңа ел чараларына чакыралар

Ул бүген 15 сәгатьтә «Чебурашка» паркында шәһәр чыршысын тантаналы ачудан башлана. Иртәгә 11 сәгатьтә ипподромда «Күңелле стартлар» узачак. Анда мәктәп укучылары, көллият һәм училище укучылары чаңгыда ярышачак. Шул ук көнне алабугалыларны 13.00 сәгатьтә 4 микрорайонның «Йорт янындагы бакча» скверына яшьләр чыршысына чакыралар. 26 декабрьдә, якшәмбе көнне, 11 сәгатьтә «Йорт янындагы бакча» скверында «Christmas party-2021» узачак.

— Төп чара 31 декабрьдә «Гуляй» паркында узачак. 18.00 сәгатьтә бәйрәм концерты булачак, программа 22.00 сәгатьтә фейерверк белән тәмамлана. Бу көнне безнең халык Россиянең танылган «Filatov & Karas» төркеме чыгышы белән хозурлана алачак. Әлбәттә, яңа ел чаралары моның белән генә тәмамланмый, алар гыйнвар аенда да дәвам итәчәк. Шулай итеп, 5 гыйнварда Танайка урманында Раштуа чаңгы ярышлары узачак, 6 гыйнварда Георгий паркында креатив чаналар фестивале үткәрү планлаштырыла. 

Бу зур яңа ел чаралары Раштуа чаралары белән 8 һәм 9 гыйнварда тәмамланачак. Моннан тыш, 3 гыйнвардан 9 гыйнварга кадәр Ленин мәйданында, «Чебурашка» паркында һәм «Йорт янындагы бакча» скверында балалар һәм аларның әти-әниләре өчен башка яңа ел чаралары да үткәреләчәк. Шәһәр халкын һәм кунакларны Яңа ел бәйрәмнәренә чакырабыз, — ди район башкарма комитеты җитәкчесенең социаль мәсьәләләр буенча урынбасары Лилия Ягудина.