Алабуганың Covid-госпиталендә 15 пациент дәвалана

Хәзерге вакытта коронавирус белән авыручылар санының кимүе күзәтелә. Алабуганың коронавирус госпиталендә барлыгы 15 пациент дәвалана. 
Әмма табиблар әйтүенчә, тынычланырга әле иртәрәк. Вакциналаштырырга, битлек режимын һәм җәмәгать урыннарында социаль дистанцияне саклауны дәвам итәргә кирәк.

Май аенда шулай ук авырулар саны кимегән иде, әмма соңыннан вәзгыять башка якка үзгәрде. Октябрь аенда Алабуга госпиталенең пациентлары саны 120гә кадәр артты.

Өстәвенә, хәзер дөньяда яңа штамм — омикрон тарала. Бүгенге көндә республикада бу штамм белән авыручылар юк.