Бехтерев юбилее

Танылган невролог исемендәге өяз медицинасы музеенда мәктәп укучылары өчен әлеге датага багышланган чаралар уза. Мәсәлән, 3 нче мәктәп укучылары өчен музей буенча өяз табибы, им-том итүче, дару сатучы катнашында театральләштерелгән экскурсия үткәрелде. Дару сатучы аптека хезмәтенең үсеше турында сөйләде һәм Бехтеревның шәхси рецепты буенча ясалган микстура белән сыйлады. Моннан тыш, өлкән класс укучылары өчен кеше баш миенең эшчәнлек серен ачучы психологик тест әзерләгән булып чыкты. Экскурсия ахырында В. Бехтерев тормышы турында фильм күрсәтелде.