Быел Алабуга яшьләре өчен берьюлы берничә зур чара узачак

Шуларның берсе — «Правый берег» форумы, аны апрель ахырында үткәрү планлаштырыла. Форумның максаты — актив яшьләр өчен аралашу мәйданчыгы формалаштыру. Май ахырында эшләүче яшьләр фестивалендә шәһәребез һәм күрше районнар предприятиеләренең иң талантлы вәкилләре җыелачак. 

26 июньгә Яшьләр көнен үткәрү планлаштырылган.

Волонтерлар өчен августта ирекле форум узачак.

Идел буе халыкларының этник җырларын җырлаучы яшь башкаручыларның «АЛГА РИТМ» Арт-фестивале әһәмиятле чараларның кульминациясе булачак.

Фестивальнең максаты — халык гореф-гадәтләрен саклау һәм үстерү, балаларны һәм яшьләрне халык иҗаты өлкәсенә җәлеп итү.