Өч яңа предприятие “Алабуга” МИЗ резидентлары булачак

Күзәтү советы әгъзалары Россия инвесторлары тәкъдим иткән өч проектны карадылар.

"Композит" холдинг компаниясе "Алабуга" МИЗ территориясендә ике яңа производство оештырырга планлаштыра.

Югары сыйфатлы композит пыяла-пластик полиэфир торбалар, пыяла-пластик эпоксид торбалар, фланцлар, муфтлар һәм башка торба продукциясен эре серияле сәнәгать җитештерүе заводы "Амитек" компаниясе тарафыннан төзеләчәк (гамәлгә куючысы - "Композит" ХК).

Озын җепселле инжекциянең эре габаритлы панельләр, транспорт чараларының кузов һәм кабиналар элементлары җитештергәндә кулланыла торган полимер композит материалларын "Алабуга" МИЗда "Синергия" индустриаль паркы территориясендә "НЦК-Алабуга" компаниясе тарафыннан (гамәлгә куючылары - "Нанотехнологик композитлар үзәге" ҖЧҖ һәм "Композит" ХК) булдыру планлаштырыла.

Өченче проект - алюминийның аеруча чиста оксидын җитештерүче заводы - "Алабуга" МИЗ территориясендә "ККТ-Синтез" компаниясе төзиячәк. Әлеге матдә оптоэлектроникада синтетик сапфир үстерү өчен төп чимал булып тора, дип хәбәр итә tatarstan.ru сайты.