Казанның яңа Җәмигъ мәчете Казансуның уң як ярында төзеләчәк

Яңа Җәмигъ мәчете Казансу елгасының уң як ярында, яңа ЗАГС бинасы янында төзеләчәк, дип хәбәр итте Гайдар форумы барышында Татарстан Президенты Рөстәм Миңнеханов.

Беренче ташны салу быел Идел буе Болгарында Ислам динен кабул итүгә 1100 ел тулуга багышланган чаралар барышында булыр дип көтелә. Экспертлар Җәмигъ мәчет Казанга кирәк дип саный һәм шул ук вакытта Татарстан башкаласының бу өлешендәге йөзен сизелерлек үзгәртәчәк.