Керәшен – моңлы халык

- Мондый фольклор кичәләрен ел саен үткәрәбез. Марилар, удмуртлар, шулай ук татарларның "Сөембикә ансамбле" белән булды, ә бүген бездә керәшен татарлары. Киләсе елга урыслар булыр, дип көтәбез, - ди кичәне алып баручы, татар һәм туган як турындыгы китапханә җитәкчесе Раушания Вәлиева.
Кичәдә "Татарстан Республикасындагы керәшеннәрнең иҗтимагый оешмасы" Алабугадагы бүлекчәсен җитәкләүче Николай Мельников чыгыш ясады. Ул безгә уздырылган чаралар турында сөйләде, керәшен халкының милли өс киемнәре, йолалар, туй йолалары белән таныштырды. Үзенең чыгышын слайд-презентация белән тәмамлады. Кунаклар арасында Алабуга мәдәният һәм сәнгать көллиятенең "Айбагор" фольклор ансамбле (җитәкчесе Людмила Гатауллина) һәм "Ак каз" халык фольклор ансамбле (җитәкчесе Владимир Мироваев) бар иде, алар да тамашачыларны сокландыргыч чыгышлары белән шаккаттырды.