КЕШЕ ИМИНЛЕГЕ ӨЧЕН

Автоном янгын хәбәриткече янгын чыгу урынын ачыклау, ут кабуны башында ук белеп алу өчен кирәк, дип сөйләде Алабуга районы буенча күзәтчелек эшчәнлеге башлыгы Александр Ябуров. Шунысы да бар: бу җайланма янгын сакчылыгына бернинди дә сигнал тапшырмый.

Аз гына ялкын кабу булганда да, күрсәткечләр бер мизгелдә ачы тавыш чыгара, шуның белән йорттагыларның игътибарын җәлеп итә, йоклаган кеше дә уяна. Әлеге хәбәриткечләрнең файдасы гамәлдә сыналган инде, уннарча янгын вакытында алар кешеләрне һәлак булудан саклап калган.