КФУның Алабуга институты онлайн Ачык ишекләр көненә чакыра

20 декабрьдә сәгать 10.00дә КФУның «ВКонтакте» һәм «Инстаграм» рәсми төркемнәрендә абитуриентлар, ата-аналар, укытучылар һәм барлык кызыксынучылар өчен Ачык ишекләр көне узачак. 
Бу хакта КФУның Алабуга институтының матбугат хезмәте хәбәр итә. Кабул итү комиссиясе экспертлары туры эфирда 2021 елда югары уку йортларына кабул итүнең яңа кагыйдәләре турында сөйләячәк. Барлык катнашучыларны институт буенча виртуаль экскурсия һәм бүлек мөдирләре белән очрашулар, иң борчыган сорауларга җаваплар көтә.
Теләге булган һәркем социаль челтәрләрдәге трансляцияләргә кушыла ала: ei_kfu («ВКонтакте»), kpfu_elabuga_edu («Инстаграм»).