КФУның Алабуга институты шәһәр халкын һәм кунакларын джаз оркестры концертына чакыра

17 августта КФУның Алабуга институты шәһәр халкын һәм кунакларын «Визит» джаз оркестры концертына чакыра.
Чыгыш сәгать 21.00дә университет мәйданчыгында башлана. Концерт Алабугада 17-19 август көннәрендә узачак мәктәп укытучыларының XI Халыкара фестивале кысаларында үтә. Быел форумга Россиянең төрле төбәкләреннән 500дән артык укытучы киләчәк, Россия, АКШ, Бөекбритания, Германия, Беларусь, Казахстан һәм Эстониядән галимнәр, педагоглар, мәгариф һәм тәрбия өлкәсендә әйдәп баручы белгечләрдән 100дән артык мастер-класс узачак. Беренче тапкыр онлайн катнашу мөмкинлеге дә карала.