КФУның иң яхшы «Автомен» һәм «Автоледи» лары

КФУның Алабуга институтында «Автомен» һәм «Автоледи» һөнәри осталык конкурсы узды, дип хәбәр итә югары уку йортының матбугат хезмәте. Башта студентлар юл хәрәкәте кагыйдәләрен белүдә теория буенча ярышты, аннан соң машина йөртү күнекмәләрен күрсәтте.

Конкурс нәтиҗәләре буенча «Автоледи-2022» номинациясендә 1нче урынны инженер-технология бүлегенең 3 курс студенты Алинә Рәхимова, ә егетләр арасында 1 урынны математика һәм табигый фәннәр бүлегенең 1 курс студенты Евгений Дорофеев алды.

Җиңүчеләр КФУның Алабуга институты исеменнән «Автосессия-2022» республика конкурсында катнашачак.