Хәтер һәм Кайгы көнендә бер минутлык тынлык 12 сәгать 15 минутта узачак

Хәтер һәм Кайгы көнендә бер минутлык тынлык 12 сәгать 15 минутта узачак. Бу мизгелдә бөтен республика Бөек Ватан сугышы кырларыннан кайта алмаучыларны искә алачак.

22 июньдә, фашистлар Германиясе илебез территориясенә басып кергән, бер гаепсез миллионлаган гомерләрне юк иткән, Икенче бөтендөнья сугышына Россияне тартып керткән көнне, илебездә ел саен Хәтер һәм Кайгы көне үткәрелә.