Конституциягә төзәтмәләр буенча үз фикерен «Полянка» ТИҮ рәисе Татьяна Кельш белдерде

Конституциягә төзәтмәләр буенча үз фикерен «Полянка» ТИҮ рәисе Татьяна Кельш белдерде. Ул 1388 санлы сайлау участогында барлык санитар таләпләрне үтәп тавыш бирде.
«Тавыш бирү — минем гражданлык бурычым, мин сайлауларга һәрвакыт йөрим. Ә инде ничек тавыш бирергә, бу һәркемнең үз эше. Шәхсән мине, беренче чиратта, дәүләтнең бөтенлеген саклап калу куандыра. Шулай ук дәүләтнең балаларга тәрбия һәм белем бирү өчен җаваплы булуы бик әһәмиятле», — ди Татьяна Владимировна.