Конституциягә төзәтмәләр Россияне һәрьяклап ныгытуга юнәлдерелгән

Россия Федерациясе Конституциясенә тәкъдим ителгән төзәтмәләр, эчке һәм тышкы факторларны исәпкә алып, илне һәрьяклап ныгытуга юнәлдерелгән. Мондый фикерне Татарстанның беренче Президенты һәм ТР Дәүләт Киңәшчесе Минтимер Шәймиев белдергән. Бу хакта «Татар-информ» мәгълүмат агентлыгы яза.
Минтимер Шәймиев билгеләп үткәнчә, Төп законның барлык нигезләмәләре дә, шул исәптән, халыкларның туган телләрен саклау хокукы да, һичшиксез, үтәлергә тиеш.
Исегезгә төшерәбез, гомумхалык тавыш бирү 1 июльдә узачак. 25 июньнән Татарстанда РФ Конституциясенә төзәтмәләр буенча алдан тавыш бирү процедурасы башланачак.