Ләйлә Фазлыева фикеренчә, РФ Конституциясенә төзәтмәләр буенча тавыш бирү – тарихи вакыйга

РФ Конституциясенә төзәтмәләр буенча тавыш бирү — ул һәркемгә кагыла торган тарихи вакыйга. Татарстан Премьер-министры урынбасары Ләйлә Фазлыева әнә шундый фикер белән уртаклашты.
«Россия Федерациясе өчен бу зур тәҗрибә. Чөнки барысы да беренче тапкыр Конституциягә төзәтмәләр буенча тавыш бирүдә катнаша», — дип белдерде ТР Премьер-министры урынбасары.
Ләйлә Фазлыева бер көндә генә түгел, ә атна дәвамында тавыш бирү мөмкинлегенә бик уңай карады. Аның әйтүенчә, мондый формат һәркем өчен бик уңайлы.