Өмәләргә йомгак

Георгиев парк территориясе һәм элекке "Горгаз" базасы алдындагы чокырны корыган һәм черек агачлардан чистарттылар, корыган агач 260 кубометр тәшкил итте. Шәһәр башкарма комитеты җитәкчесенең урынбасары Айрат Дәүләтшин хәбәр итүенчә, эш барышында өч меңнән артык кеше катнашкан, 11 берәмлек махсус техника кулланылган.
22 октябрьдә "Урман утырту көне" чарасы узды. Күпкатлы йортлар, мәгариф учреждениеләре, предприятие һәм оешмалар янәшәсендә, үзәк урамнарда барлыгы 3384 миләш, каен, нарат, чыршы һәм куак үсентеләре утыртылды. Бу акциядә 1620 алабугалы, гомуми белем учреждениеләре, предприятиеләр, оешмалар, шәхси эшмәкәрләр катнашты.