Өч китапта утыра торган итеп сурәтләнгән сувенир тукран педагогларның Август конференциясе символы булачак

Өч китапта утыра торган итеп сурәтләнгән сувенир тукран педагогларның Август конференциясе символы булачак.
«Тукран Алабуга символы булып тора, шуңа күрә аны педагогларның Август конференциясендә сувенир итәргә карар кылынды. Әлеге сувенирлар Алабуга өстәмә белем бирү педагоглары тарафыннан эшләнгән. Алар Конференция кунакларына бүләк итеп биреләчәк», — дип хәбәр иттеләр Алабуга Мәгариф идарәсендә.
Шунысын да билгеләп үтәргә кирәк, тукран сыны өч китап өстендә утыра торган итеп сурәтләнгән, ул агачтан ясалган аскуймага куелган һәм тартмага салыначак. Барлыгы 250 шундый сувенир әзерләнгән.
Фото: Мәгариф идарәсеннән.