Республикада һава шартларының кискен начараюы көтелә

Бүген, 30 мартта, республикада аз болытлы һава торышы саклана. 

Иртәгә һава торышы кискен үзгәрәчәк. Татарстан куәтле төньяк циклон йогынтысында булачак. Шул уңайдан республикада секундына15-20 метр тизлектә көчле җил, яңгыр һәм юеш кар явачак. Бу хакта Татарстан Республикасы Гидрометеорология үзәге хәбәр итә.

Шул ук вакытта термометр баганалары +8 градуска кадәр күтәреләчәк. Төнлә термометр баганалары нульдән түбәнрәк төшәчәк. 

Апрель башында да һава торышы шундый булачак, дип фаразлый синоптиклар.