Рөстәм Миңнеханов быел Ураза бәйрәме һәм Корбан бәйрәме көннәре турында указны имзалады

ТР Президенты Рөстәм Миңнеханов быел Ураза бәйрәме һәм Корбан бәйрәме көннәре турында указны имзалады. Бу турыда Татарстан Президентының матбугат хезмәте хәбәр итә.

Әлеге даталар "Татарстан Республикасының бәйрәм һәм истәлекле көннәр турындагы" законы нигезендә билгеләнә. Аның буенча, Ураза бәйрәме 24 майда, ә Корбан бәйрәме 31 июльдә булачак.

Документта менә болай дип язылган: "Ай календаре һәм гореф-гадәтләр буенча 24 майны Ураза гаетен, 31 июльне Корбан гаетен бәйрәм итә башлый торган көн дип билгеләргә".