Рөстәм Миңнеханов «Хатлар йорты» сервисы аша алган открытка белән уртаклашты

Рөстәм Миңнеханов «Хатлар йорты» посткроссинг хезмәте ярдәмендә алган открыткасы белән уртаклашты. Ул инстаграм челтәрендәге үз битендә открытка фотосурәтен тәкъдим итте.
«Дуслар, узган атна ахырында хатлар язарга чакырганнан соң, миңа менә шундый матур татар открыткасы килде. Анда @tatarhatlar барлык милләттәшләребезне татарча хатлар язарга һәм матур открыткалар белән алышырга чакыра. Əйдәгез, без дә кушылыйк», — ди ул.
Узган атнада әлеге акцияне «Хатлар йорты» сервисын булдыручы Энҗе Садыйкова оештырырга тәкъдим итте.