Рөстәм Миңнеханов поликлиникаларны медицина хезмәткәрләре белән тәэмин итәргә кушты

Татарстан Президенты Рөстәм Миңнеханов Сәламәтлек саклау министрлыгының коллегия утырышында медицина хезмәткәрләре җитмәгән районнарны атады. Бу хакта Татар-информ яза.

«Сәламәтлек саклау өчен кадрлар дефициты, бигрәк тә беренчел звенода, мөһим сорауларның берсе булып кала. Сәламәтлек саклау министрлыгына квалификацияле кадрлар белән тәэмин итүне дәвам иттерергә кирәк», — диде Президент. 

Беренчел звено хезмәткәрләренә иң зур кытлык Лениногорск, Аксубай, Спас һәм Зәй районнарында күзәтелә.

Шулай ук Рөстәм Миңнеханов киләсе елда республика халкына тулысынча диспансеризация үткәрүнең мөһимлеген ассызыклады.