Рөстәм Нуриев Алабуганың иҗат командасын бүләкләде

Ул Алабуга мәдәният һәм сәнгать көллияте директоры Әлфирә Әкбәровага Бөтендөнья милли мәдәният һәм сәнгать фестиваль-конкурсының I дәрәҗә лауреаты дипломын тапшырды. Билгеләп үтик, Алабуга мәдәният һәм сәнгать көллиятенең иҗади командасы безнең районны һәм тулаем Татарстан Республикасын танытты. “Алабуга” җыр һәм бию ансамбле Сочидагы “WORLD FOLK VISION” милли мәдәният һәм сәнгать Бөтендөнья фестиваль-конкурсының Россия финалында бик матур чыгыш ясады.