Сиңа, яраткан Алабуга

Аны өченче сезон рәттән шәһәр Мәдәният сарае оештыра. Проект җитәкчеләре сүзләренә караганда, ул иҗади интеллигенция вәкилләре арасында популяр. Бу юлы 2 октябрьдә 14.00 сәгатьтә танылган җирле рәссам Рәфыйк Нургалиевның шәхси күргәзмәсе ачылачак. Билгеләп үтик, үз иҗатында Рәфыйк Нургалиев рус реалистик рәсем мәктәбе традицияләрен үстерә. Алабугалылар һәм шәһәр кунаклары Өлкәннәр декадасы вакытында гына түгел, башка көннәрдә дә рәсем осталарының кызыклы эшләре белән таныша алачаклар. Шуны да өстәргә кирәк, күргәзмәгә керү бушлай.