Соңгы тәүлектә 2 алабугалы COVID-19 йоктырган

Яңа вирус йоктырган 17 кеше хастаханәгә озатылган, 21 кеше өйдә дәвалана.
Казанда — 14, Чаллыда — 16, Түбән Камада — 3, Алабугада — 2, Актаныш, Зәй, Кайбыч районнарында берешәр кеше яңа вирус йоктырган.
1 июльгә алынган мәгълүматлар буенча, Татарстанда барлыгы COVID-19 белән авыруның 22 474 очрагы теркәлгән.
Пандемия башланганнан бирле коронавирус инфекциясе йоктырган 20 216 кеше савыккан.
546 139 кешегә прививка ясалган. Шулардан 382 697 кеше прививканың икенче дозасын ясаткан.