Соңгы тәүлектә 41 татарстанлы COVID-19 йоктырган

Яңа вирус йоктырган 14 кеше хастаханәгә озатылган, 27 кеше өйдә дәвалана.
Казанда — 18, Чаллыда — 13, Тукайда — 3, Түбән Камада — 2, Азнакай, Әлмәт, Минзәлә, Сарман, Чирмешән районнарында берешәр кеше яңа вирус йоктырган.
2 июльгә алынган мәгълүматлар буенча, Татарстанда барлыгы COVID-19 белән авыруның 22 515 очрагы теркәлгән.
Пандемия башланганнан бирле коронавирус инфекциясе йоктырган 20 269 кеше савыккан, соңгы тәүлектә — 53.
560 373 кешегә прививка ясалган. Шулардан 392 371 кеше прививканың икенче дозасын ясаткан.