Социаль челтәрләрдә 2018 елның беренче супер Ае сурәтләнгән фотолар пәйда булды

1 гыйнвардан 2сенә каршы төндә Җир планетасында яшәүчеләр быелгы беренче супер Айны күзәтте, дип хәбәр итә РИА Новости агентлыгы.

Дөньяның төрле почмакларындагы кулланучылар социаль челтәрләргә гаять зур Айның фотоларын урнаштырды.

Супер Ай – тулы Ай Җир белән Айның бер-берсенә максималь дәрәҗәдә якынайган чагы белән тәңгәл килүенә бәйле астрономик күренеш ул.

Моннан алдагы супер Ай декабрь башында күзәтелсә, чираттагысы гыйнвар ахырында көтелә. 

ЧЫГАНАК: http://tatar-inform.tatar