Татарстан COVID-19ны ачыклауга үткәрелгән тестлар саны буенча 15 төбәк арасында беренче унлыкка керә

Татарстан Республикасы COVID-19ны ачыклауга үткәрелгән тестлар саны буенча 15 төбәк арасында беренче унлыкка керә. Бу хакта «Татар-информ» мәгълүмат агентлыгында узган матбугат конференциясендә Кулланучылар хокукларын яклау һәм кеше иминлеге өлкәсендә күзәтчелек буенча федераль хезмәтнең ТР буенча идарәсе җитәкчесе урынбасары Любовь Авдонина сөйләде.
Аның әйтүенчә, бүгенге көндә республикада 982,513 ПЦР-диагностика тикшеренүе ясалган.
Любовь Авдонина искәрткәнчә, тестлар 14 дәүләт, 5 шәхси медицина учреждениесендә, шулай ук ТР Гигиена һәм эпидемиология үзәгендә үткәрелә.