Татарстан хакимияте М12 трассасын өч ел эчендә төзергә планлаштыра

Трассаны өч ел эчендә төзергә планлаштыралар. Бу хакта ТР Президенты Рөстәм Миңнеханов матбугат конференциясендә хәбәр итте. 

Миңнеханов сүзләренчә, моның өчен «бераз акча һәм Ходай ярдәме кирәк».

«Халык өчен монда ун плюс бар. Безнең өчен бу зур уңыш. М12 — тиз йөрешле пассажир магистраленә караганда кирәгрәк. М7 — тулган, анда бернинди үсеш юк. Мәскәүгә 6- 6,5 сәгать эчендә машинада барып җитә аласыз икән, бу начармы? Бу проектны өч ел эчендә тормышка ашыру өчен Ходай Тәгалә безгә көч һәм бераз акча бирергә тиеш», — диде Миңнеханов.