Татарстан мөфтие Башкорстан мөселманнарын туган телгә һәм милләткә хыянәт итмәскә чакырды

Татарстан мөселманнары башлыгы, мөфти Камил хәзрәт Сәмигуллин Уфаның “Ихлас” мәчетендә җомга намазын алып барды. Бу турыда “Татар-информ” мәгълүмат агентлыгы хәбәр итә.

Камил хәзрәт Сәмигуллин ике тугандаш халык арасында дуслык, туган тел, милли үзаң турында вәгазь сөйләде, татар һәм башкорт милләтләре арасындагы туганлык җепләрен сакларга өндәде.

Вәгазен тәмамлап, Камил хәзрәт туган телнең Аллаһ Тәгаләдән бирелгән әманәт икәнен әйтте.