Татарстан Президенты Дәүләт Советына еллык Юллама белән мөрәҗәгать итәчәк

Бүген VI чакырылыш Татарстан Дәүләт Советыныңың берьюлы ике утырышы була. Парламентның 14нче утырышында Татарстан Республикасы Президенты Рөстәм Миңнеханов Татарстан Дәүләт Советына еллык Юллама белән чыгыш ясый. 
Чара Салих Сәйдәшев исемендәге зур концерт залында узачак. Ул бүген иртәнге сәгать 10.00да башлана.
Алтынчы чакырылыш Дәүләт Советының унбишенче утырышы көндезге 12 сәгатьтә булачак. Утырышның көн тәртибенә 16 мәсьәлә кертелгән, шул исәптән 9 республика закон проекты беренче укылышта каралачак.
Утырышта шулай ук Бала хокуклары буенча вәкаләтле вәкил һәм Конституция суды судьясы билгеләнәчәк. Депутатлар шулай ук ТР Дәүләт Советының Социаль сәясәт комитеты составындагы үзгәрешләр турындагы мәсьәләне дә караячак.