Татарстан шоферларын көчле кар, тайгалак һәм кар көртләре турында кисәттеләр

Синоптиклар фаразы буенча, 26 һәм 27 декабрьдә Татарстанда һава шартлары начарлану көтелә. 

Кискен җилнең көче секундына 21 метрга җитәргә мөмкин. Көчле кар явуы һәм буран булуы көтелә. Юлларда тайгалак һәм кар көртләре барлыкка килергә мөмкин. Моннан тыш, синоптиклар фаразы буенча, һава температурасы −22гә кадәр төшәчәк. 

Татарстан Республикасы буенча дәүләт автоинспекциясе машина йөртүчеләрне, мөмкинлек табып, юлга чыкмаска чакыра. 

Юлда көтелмәгән хәл барлыкка килгән очракта, 8(843)5333888 телефоны буенча ярдәм сорап мөрәҗәгать итәргә була.