Татарстан Үзәк хәрби округта беренчеләрдән булып егетләрне хәрби частьләргә озатачак

Татарстан Республикасы Үзәк хәрби округта беренчеләрдән булып егетләрне хәрби частьләргә озатачак. Беренче озату 21 майга планлаштырылган. Бу хакта “Татар-информ” мәгълүмат агентлыгы хәбәр итә.

Татарстан хәрби комиссары генерал-майор Сергей Погодин билгеләп үткәнчә, язгы чакырылыш уңаеннан киң колачлы әзерлек эшләре үткәрелгән һәм хәрби хезмәткә чакырылучыларның санитар-эпидемиологик куркынычсызлыгын тәэмин итү өчен бөтен шартлар да тудырылган.

Хәрби частьләргә килү белән барлык егетләрне дә ике атналык карантин көтә.

Татарстаннан хәрби хезмәткә 3 меңнән артык кеше озатылачак.